Bienvenidos al marco de las Industrias Culturales y Creativas

Programación

Calendario ICC Week 2017

A moda como industria creativa e motor de desenvolvemento – Con Ágatha Ruiz de la Prada, Purificación García y Adriana Domínguez

Martes, 2 de abril - 20:00h - Centro Cultural Marcos Valcárcel - Ourense

Ágatha Ruiz de la Prada

Deseñadora de moda e empresaria.


 

Ágatha Ruíz de la Prada (Madrid, 1960) estudou na Escola de Artes y Técnicas da Moda de Barcelona. Aos 20 anos comezou a traballar como axudante no estudo madrileño do modisto Pepe Rubio. Un ano despois presentou a súa primeira colección no centro de deseño LOCAL de Madrid e dende entón desfilou nas capitais internacionais da moda: París, Milán, Nova York, Berlín, Florencia, Madrid e Barcelona.
Foi convidada de honra e representante da moda española nas principais pasarelas de Albania, Alemaña, Arxentina, Austria, Bosnia-Herzegovina, Chile, Colombia, Croacia, Eslovaquia, Estados Unidos, Francia, Gambia, Xeorxia, Grecia, Hong Kong, Italia, Xapón, Malaisia, Marrocos, México, Nixeria, Paquistán, Panamá, Perú, Polonia, Portugal, Porto Rico, República Dominicana, Romanía, Rusia, Serbia, Sri Lanka, Suecia, Ucraína, Uruguai, Uzbequistán…
As creacións da deseñadora convertéronse nun verdadeiro medio de expresión artística e dende os seus primeiros anos no mundo da moda comezou a exhibir algunhas pezas mestras en galerías e museos de diferentes cidades de Europa, América e Asia. Destacan no ano 2017 a súa exposición da colección «Espectacular» no Palacio de Cadaval (Évora Portugal) e a súa colaboración con Google Arts&Culture con dúas mostras dixitais dentro do proxecto WeWearCulture.
Ágatha ademais colaborou con numerosos artistas como Enrique Vega, Gloria García Lorca, Eduardo Chillida, Pep Guerrero, Luis Galliussi, Philippe Andrieux, Bárbara Juan Ciuco Gutiérrez, Christopher Makos, Miguel Ángel Molina, Michel Bresson, Ramiro E., Orlan, Nicole Herzog, Karim Rashid…
A súa empresa contou dende 1986 con máis de 100 categorías de licenzas como complementos de moda, revestimentos cerámicos, artigos para o fogar, libros, accesorios para mascotas, artigos de perfumería e papelería e moitos outros produtos que distribuíronse e distribúense a través das tendas exclusivas da deseñadora e a súa tenda online, ademais de estar presente en tendas de multimarca de todo o mundo.
A través da súa colaboración con diferentes empresas e organismos oficiais deseñou uniformes, vestiario e escenografía para espectáculos de teatro, ópera e danza, luces de Nadal, parques infantís e mobiliario urbano, parques temáticos, murales, xardíns, restaurantes, carteleiras de eventos, coches, etc…
No ano 2011 constituíu a Fundación Ágata Ruíz de la Prada, onde conservase unha importante representación do devir de Ágatha a través dos seus máis de trinta anosde historia no mundo da moda e da creatividade, co fin de catalogar, conservar e difundir seu impresionante legado documental.

Purificación García

Diseñadora de moda y empresaria


Naceu en Castrelo do Val (Ourense) e pasou a súa infancia en Montevideo. O seu primeiro traballo tivo lugar nunha empresa téxtil desta cidade, onde adquiriu un gran coñecemento do tecido, a base da súa futura profesión. Con vinte e un anos trasládase a Canadá onde entra en contacto co mundo da pel e tras unha fugaz etapa neoiorquina, decide regresar a España en 1978, fixando a súa residencia definitiva en Barcelona.
En 1981 presenta a súa primeira colección completa e en 1983 consolídase no mercado nacional, desfilando cada tempada en Barcelona e en Madrid. En 1985 abre a súa primeira tenda en Bélxica, concretamente en Anveres e en 1989 desfila por primeira vez na Pasarela de Milán onde recibe unha calurosa acollida da crítica italiana. Con motivo da apertura das súas  boutiques en Tokio, Osaka e Kyoto en 1990 realiza o seu primeiro desfile na capital nipoa. En 1995 abre a súa boutique taller na Avenida Pau Casals de Barcelona; alí, á marxe do prêt-a- porter, ocúpase persoalmente do que chama “nova costura” da que son un gran exemplo os seus traxes de noiva que a partir de 1997 preséntanse na pasarela do grupo Noiva España.
En 1998 firma un acordo con  STL para o deseño, a fabricación e a distribución dunha liña  prêt-a- porter feminina, outra masculina e os seus respectivos accesorios. Un ano despois, comeza a súa colaboración co fotógrafo Chema  Madoz, Premio Nacional de Fotografía. Unha relación que se foi consolidando co tempo, e converteu cada unha das súas imaxes publicitarias en esperado obxecto de desexo cada tempada, así como, unha das máis persoais e destacadas do panorama español.
En 2001 publica o libro “Ter Estilo” da editorial Temas de Hoxe e en 2003 crea o Premio de Fotografía Purificación García, que tras nove edicións, consolidouse como un dos certames con maior prestixio no panorama nacional. En abril de 2011 esta iniciativa amplía horizontes co Premio Purificación García de Fotografía Latinoamericana no marco da prestixiosa feira de arte Zona  MACO.

Adriana Domínguez

Consejera Delegada del Grupo Adolfo Domínguez


Adriana Domínguez González (Ourense,1976) é Conselleira Delegada do grupo Adolfo Domínguez dende maio de 2018. En xullo de 2017 xa fora designada Directora Xeral e máxima executiva da compañía.  Adriana Domínguez exerceu, anteriormente, como Conselleira, Directora de marca de Perfumes e Directora de Comunicación.

Falante en cinco idiomas e educada no ámbito internacional, é licenciada en Ciencias Empresariais Internacionais por  ICADE e CESEM (Francia) e polo The Le Strasberg Theatre Institute de Nova York. Ten o máster de Pensamento na Escola Contemporánea de Humanidades de Madrid.

Conta cun profundo coñecemento da compañía na que liderou, durante 17 anos, varios proxectos en distintas áreas de negocio: deseño das  concept store da empresa; creación de cinco coleccións cápsula da liña de moda muller; ou o lanzamento dunha liña de roupa para mascotas.

Desde 2010 foi a responsable da xestión, creación, renovación e lanzamento das fragrancias da compañía. Na área de Perfumes, xestionou proxectos de marca e reputación como Viaxe a Ceylán, a renovación de Auga Fresca de Rosas, o lanzamento de Rosas Brancas e o lanzamento de Única.

Na súa faceta de actriz participou en cinco producións de cinema e é membro  vitalicio de The Actors Studio, asociación sen ánimo de lucro para actores profesionais, directores e dramaturgos.

Cara a Cara con Iker Jiménez

Mércores, 3 de abril - 20:00h - Teatro Principal - Ourense

Iker Jiménez

Xornalista


Iker Jiménez (Vitoria, 1973). Xornalista, licenciado en Ciencias da Información pola Universidade Complutense. Leva 30 anos nos medios de comunicación. Comezou na radio aos 17 e, tras traballar en 11 emisoras, dirixiu e presentou Milenio3 na Cadena SER. Durante 15 tempadas o programa bateu todos os records de audiencia na madrugada. Dende 2005 dirixe e presenta cada domingo Cuarto Milenio, único programa supervivente da primeira grella de programación e un dos máis lonxevos da televisión en España.
A súa última gran aposta éMilenioLiveen Youtube, un formato que une radio, televisión e conexión total a través das redes sociais. Cada venres convertese no máis comentado en Twitter.
Escribiu nove libros e foi consideradoo xornalista español máis influínte nas redes sociais en España.Recibiu dúas veces a Antena de Oro e o premio Ondas.
Entusiasmo es a súa palabra clave e así o quere demostrar no seu último formato, Cara a Cara, unha experiencia íntima co seu público.Un encontro persoal, único e inesquecible, no que os asistentes poderán preguntar a Ikero  que sempre quixeron saber.Cara a Cara non é un programa de televisión, nin de radio, nin sequera unha conferencia. Máis aló de todo convencionalismo, é unha nova experiencia de comunicación.
Nesta edición da Ourense ICC Week, Iker falará co público do misterio, da vida, da morte, do entusiasmo, da sorte, do éxito, dos sonos, das sombras e da luz… A interacción será o elemento clave, e o público poderá preguntarlle todo o que desexe, propoñendo o diálogo como fonte de novidades e aprendizaxe. Un formato sen guión e sen estrutura que busca unha conexión total cos asistentes.

Kiko Veneno ao vivo coa sua banda

Venres, 5 de abril - 21:00h - Teatro Principal - Ourense

Kiko Veneno

Autor – Compositor y Cantante


KIKO VENENO – SOMBRERO ROTO

 

Con algúns dos discos máis importantes para entender a música en español e recoñecementos moi importantes, Kiko Veneno (1952, Xirona) leva máis de corenta anos creando cancións para si mesmo e outros artistas. O seu primeiro disco (Veneno 1977) xunto aos irmáns Amador, e a súa participación na “Leyenda del Tiempo” de Camarón (1982) supoñen un fito que marcou camiño nunha nova forma de entender como pode mesturarse o flamenco con outras músicas e como pode interpretarse.
Despois fixo cancións de todo tipo:  electropop en “Si tu, Si yo” (1984); rock  melódico en “Pequeño Salvaje”(1987); pop con aires africanos en “Dice la gente” (2010); pop tropical no “Pimento Indomable” (2012) ou flamenco mestizo para a película “Entre dos aguas” (2018).  Destacar “Échate un cantecito” (1992) e “Está muy bien eso del cariño” (1995) que foron superventas e marcaron unha senda no pop aflamencado. Ás veces difícil de clasificar, pero sempre creativo, presentará en 2019 “Sombrero Roto”, un disco rítmico e alegre no que os ambientes sonoros teñen ata cadencias electrónicas.
Recoñecementos: Premio Nacional das Belas Artes, Premio Nacional das músicas modernas; “Veneno” considerado o mellor disco do século XX en España por varias revistas especializadas; “Échate un cantecito” entre os considerados mellores dez discos do século  XX por varias revistas especializadas…

"Las amígdalas de mis amígdalas son mis amígdalas" - Monólogo de Luis Piedrahita

Domingo, 7 de abril - 19:00h - Auditorio - Ourense

Luis Piedrahita

Humorista


Luis Piedrahíta (A Coruña, 1977) é humorista, escritor, director de cine e ilusionista. Despois de 18 años de éxitos presentando espectáculos de stand up por España e Latinoamérica, agora chega a súa nova proposta: Las amígdalas de mis amígdalas son mis amigas, un título que só podería saír da súa mente. Un texto intelixente que reivindica a imaxinación e o humor máis achegado á poesía: o humor dos pequenos obxectos.
Neste novo show, o polifacético artista sube ao escenario para demostrar que o humor é unha arma de construción masiva. O seu espectáculo ensínanos que a vida é coma un hotel: un sitio no que vas a estar pouco tempo e do que tes que levarte todo o que poidas. O seu humor, recoñecible e cotián, ensínanos a desactivar a envexa, o egoísmo, a desconfianza… En Las amígdalas de mis amígdalas, Luis constrúe un mundo no que todas esas miserias seguen a existir, pero lonxe de xerar sufrimento e incomodidade, desencadean as gargalladas máis liberadoras
Neste espectáculo, Luis Piedrahita reflexiona sobre as esponxas de baño, as trazas, os ascensores, os hoteis… e atopa un paralelismo inevitable entre estes obxectos e a alma humana. Luis invítanos a acompañalo durante case unha hora e media de show de risadas e emoción, sen máis ferramentas que a súa personalidade, a súa voz e o seu corpo. Stand up comedy xenuína.
Non queremos ocultar que deste espectáculo tense dito que é unha das obras máis enxeñosas, brillantes e poéticas do século XXI. O que si queremos ocultar é que foi o propio Piedrahíta quen o dixo.

O xadrez de San Rosendo: un tesouro do patrimonio europeo en Ourense

Xoves, 4 de abril - 10:00h - Catedral de San Martiño - Ourense
Leontxo García Olasagasti

Leontxo García Olasagasti

Xornalista e Mestre Internacional de Xadrez


Leontxo García  Olasagasti (Irún, 1956) é conferenciante, presentador, comentarista e xornalista especializado en xadrez.
En 1975, con 19 anos de idade, converteuse en campión absoluto de Guipúscoa, e seis anos máis tarde conseguiu o título de Mestre FIDE. Máis tarde logrou dúas normas de Mestre Internacional. En 1983 recibiu a proposta do diario Deia de ser enviado especial nos duelos  Kaspárov-Korchnoi e  Smyslov-Ribli, en Londres, e descubriu que a súa vocación polo xornalismo era aínda máis forte que a de xadrecista.
De Deia pasou á Axencia France Presse, a Axencia EFE e La Gaceta del Norte, de onde pasou á Cadena Ser e a El País. Retransmitiu en múltiples ocasións os comentarios  xadrecísticos nos máis importantes torneos internacionais. En 1985 foi enviado especial de El País durante dous meses e medio para o segundo duelo Kaspárov-Karpov, en Moscova. Tamén colaborou con RNE, Radio Moscova, a desaparecida revista El Globo e o diario arxentino La Prensa. Durante o Mundial Kaspárov-Kárpov de Sevilla 1987 presentou diariamente 50 programas especiais en TVE.
Leontxo dirixiu durante dez anos revísta Jaque (1991-2001) e deu conferencias de xadrez en numerosos países.
Desde 2007, Leontxo tivo unha sección fixa (os domingos, ás 09.20) no programa No es un día cualquiera con Pepa Fernández, de Radio 1 ( RNE). En 2014 comezou a súa colaboración co programa A vivir que son dos días que emite a Cadena Ser as fins de semana. Tamén publicou na edición dixital do diario El País a serie El rincón de los inmortales, na que comenta e analiza partidas de xadrez, non só dos grandes mestres máis recoñecidos no mundo do xadrez, senón tamén doutros xogadores que, aínda que non conseguisen a mesma fama ou recoñecemento universal, merecen mención pola beleza dalgunhas das súas partidas. Actualmente ten unha columna diaria na cabeceira de PRISA.
Fernando Valdés

Fernando Valdés

Doutor de Arqueoloxía Islámica na Universidade Autónoma de Madrid


Fernando Valdés Fernández (Madrid, 1952) é Profesor Titular de Arqueoloxía Islámica na Universidade Autónoma de Madrid. Tamén desenvolveu a súa actividade docente na Facultade de Letras da Universidade de  Bamberg, na de Arquitectura da Universidade Técnica de Berlín (Alemaña) e no Departamento de Arte e Arqueoloxía Islámicos da Sorbona (París IV, Francia). Leva traballando máis de corenta anos na cidade de Badaxoz, onde dirixiu, entre outras, as escavacións da  Alcazaba e da Praza de Touros Vella. Tamén realizou traballos de campo en Mérida, Trujillo, Cáceres, Villanueva del Fresno e Higuera la Real, así como en Raqqa (Siria). En Toledo escavou o convento de San Pedro Mártir el Real, o Corral de Don Diego e, xunto con  J. Aguado, o testar da ponte de San Martín. Durante algún tempo foi director das escavacións na catedral de Toledo e dirixiu o estudo acerca das portas da muralla medieval desta cidade.

É autor de máis de cen traballos científicos, entre libros e artigos, sobre arqueoloxía andalusí, en particular, e islámica, en xeral. Tamén publicou dous volumes dedicados aos textos franceses sobre a Guerra da Independencia en Estremadura e é autor da edición española das Memorias do  mariscal Soult. Publica todos os luns unha columna en La Crónica de Badajoz.

É cofundador da empresa Alamut. Estudios de Arqueología y Patrimonio, S. L; membro da Real Sociedad Económica Extremeña de Amigos del País, de Badaxoz; académico correspondente da Real Academia de Bellas Artes y Ciencias Históricas, de Toledo; e Membro Correspondente do Instituto Arqueolóxico Alemán de Berlín. Foi Coordinador do Máster Universitario en Estudios Medievales Hispánicos da Universidade Autónoma de Madrid; e Director da publicación dixital Revista de Estudos Medievais.

Anselmo L. Carreira

Anselmo L. Carreira

Historiador experto na Galicia medieval


Anselmo López Carreira naceu en Vigo, en 1951, aínda que se trasladou a Ourense xa de neno. En 1976 licenciouse en Historia pola Universidade de Santiago de Compostela, especializándose na Idade Media Galega. Dedicouse á docencia, tanto secundaria como universitaria, en Celanova, Verín, Santiago de Compostela, Barcelona e Hannover, antes de recalar no IES María Soliño de Cangas. Tamén é profesor-titor de Historia Medieval e  Paleografía no centro da UNED de Ourense.

En 1994 obtivo o doutoramento na Universidade de Santiago e, como investigador, comezou centrándose no estudo do fenómeno urbano na Baixa Idade Media, en particular o caso de Ourense, ao que dedicou varios monográficos. De índole máis xeral son os seus traballos referentes ao reino medieval de Galicia, como Os reis de Galicia (2003) ou O reino medieval de Galicia (2005), nas que arroxa luz sobre a importancia do reino do noroeste fundado polos  suevos no século V, precedente histórico da entidade político-administrativa denominada habitualmente Reino de León, para a que el reivindica o nome co que máis frecuentemente aparece nas fontes  altomedievais: Galliciense Regnum. Anselmo tamén é coautor de varias Historias Xerais de Galicia (1979, 1991, 1996 e 1997). 

Como experto medievalista centrado na formación e devir do reino medieval de Galicia, é bo coñecedor da figura de San Rosendo, e participou cunha ponencia na exposición Rudesindus. A cultura europea do século X, celebrada en Santiago de Compostela no ano 2007.

Pablo Culebras

Pablo Culebras

Moderador


Pablo Culebras (Vigo, 1982) é comunicador, deseñador gráfico e xestor cultural. Tras licenciarse na Ciencias da Información pola Universidade Complutense de Madrid, formouse como animador, motion grapher e autor de proxectos de entretemento en Milán, onde tamén comezou a traballar como deseñador gráfico. Tras a súa volta a Galicia, colaborou coa produtora Filmanova no desenvolvemento de marcas de entretemento multiplataforma, antes de dedicarse plenamente ao desenvolvemento de proxectos culturais relacionados co patrimonio material e inmaterial de Galicia, baixo a marca Galike. En 2017 crea o proxecto Xaque a Jakobusland, conxunto que xira en torno a unha tripla converxencia que se deu na Galicia medieval: as invasións escandinavas, a afluencia dos Camiños de Santiago e a chegada do xadrez desde Al-Ándalus, o que converteu a Galicia nun dos grandes centros difusores deste xogo por Europa occidental.

Share This